ABŞ-nin CNN telekanalı yüzlərlə əməkdaşını ixtisar etməyi planlaşdırır.
Yeniavaz.com xəbər verir ki, bu barədə CNBC telekanalı mənbələrə istinadla məlumat yayıb.
Məlumata görə, CNN hazırda biznesini qlobal rəqəmsal auditoriyaya istiqamətləndirməyə hazırlaşır. Buna görə də, telekanal televiziya yayımının yenidən təşkil edilməsi və rəqəmsal abunə məhsullarının yaradılması üzərində işləyir.
Bu baxımdan, ixtisarlar telekanala istehsal xərclərini azaltmağa və işçi komandalarını birləşdirməyə kömək edəcək. Mənbələrin məlumatına görə, CNN-in ən tanınmış simaları işdən çıxarılmayacaq.
Bundan əlavə, pula qənaət etmək üçün bəzi televiziya proqramlarınin çəkilişləri Nyu-York və Vaşinqtondan Atlantaya köçürülə bilər.
Hazırda CNN-də dünya üzrə ümumilikdə 33,5 minə yaxın işçi çalışır.
Digər tərəfdən, “NBC News” da yaxın günlərdə işçilərini ixtisar etməyi planlaşdırır. Lakin bu ixtisarlar o qədər də geniş miqyaslı olmayacaq və 50-dən az işçini əhatə edəcək.
