Sasseks hersoqu Şahzadə Harri telefonunu dinlədikləri üçün “The Sun” qəzetini məhkəməyə verib.
Publika.az xəbər verir ki, Şahzadə “The Sun Newspaper”in sahibi “News Group Newspapers”-ə (NGN) qarşı açdığı iddiada qələbə qazanıb.
Harri 1996-2021-ci illər arasında nəşrin onun telefonlarını dinləyərək şəxsi həyatının toxunulmazlığını pozduğunu iddia edib. NGN Harri və onun mərhum anası Şahzadə Diananın şəxsi həyatına dair bu pozuntuları etiraf edib və rəsmi olaraq üzr istəyib.
“Qəzetin Sasseks hersoqunun şəxsi həyatına ciddi müdaxiləsi və burada çalışan özəl detektivlərin qanunsuz fəaliyyətinə görə üzr istəyirik”, - NGN-nin bəyanatında deyilir.
