İspaniya nəhəngi “Real” 2023/2024-cü illər mövsümünün yekunlarına görə, dünyanın ən gəlirli klublarının siyahısında zirvədədir.
Arena.az bu barədə “Deloitte” audit şirkətinin hesabatına istinadən məlumat verir.
İspaniya nəhənginin ötən mövsüm ərzində qazancı 1,046 milyard avro məbləğində olub.
Vurğulanır ki, əvvəllər tarixdə heç bir klub bir il ərzində 1 milyard avro və daha çox qazanc əldə etməyib.
Ötən mövsümün yekunları üzrə dünyanın ən gəlirli 10 klubundan ibarət onluğu təqdim edirik:
- “Real” – 1,046 milyard avro;
- “Mançester Siti” – 837,8 milyon avro;
- PSJ – 805,9 milyon avro;
- “Mançester Yunayted” – 770,6 milyon avro;
- “Bayern” – 765,4 milyon avro;
- “Barselona” – 760,3 milyon avro;
- “Arsenal” – 716,5 milyon avro;
- “Liverpul” – 714,7 milyon avro;
- “Tottenhem” – 615 milyon avro;
- “Çelsi” – 545,5 milyon avro.
