“Bir neçə il əvvələ baxsaq, bu mövsüm çempionat daha güclüdür”
İdman.biz xəbər verir ki, bunu “Gənclər” voleybol klubunun baş məşqçisi Cahangir Seyed Abbasi deyib.
Mütəxəssis bildirib ki, komandası gənc oyunçulardan formalaşıb: “Bu gənclər ilk dəfədir ki, ölkə çempionatında iştirak edirlər. Bizim məqsədimiz gənclərin oyun təcrübələrini artırmaq və onları milli komandalara hazırlamaqdır”.
Abbasi, həmçinin cari çempionatın daha güclü olduğunu vurğulayıb: “Bir neçə il əvvələ baxsaq, bu mövsüm çempionat daha güclüdür və komanda sayı artıb. Bu, çox yaxşı haldır. Güclü komandaların və təcrübəli oyunçuların iştirakı çempionatın səviyyəsini daha da artırır”.
İdman.biz
