Yanvar ayının 24-ü hər il dünyada Beynəlxalq Təhsil Günü kimi qeyd edilir. Missiya.Az xəbər verir ki, Birləşmiş Millətlər Təşkilatı (BMT) bu günü Beynəlxalq Təhsil Günü elan edib.
Təşkilatın qərarında bildirilir ki, təhsil hər bir ölkədə dayanıqlı inkişafın əsas amilidir. Beynəlxalq Təhsil Günündə sözügedən quruma üzv dövlətlər təhsilin inklüziv keyfiyyətinə diqqəti artırmalı, həmin sahədə əlavə tədbirlər görməlidirlər.
Bir dövlətin savadlı insanları nə qədər çox olarsa, bir o qədər inkişaf edər. Təhsilli şəxslər həm özünü inkişaf etdirir, həm də cəmiyyətə faydalı kadr olur. Kiçik yaşlarından uşaqlara dərslərə, elmə, kitablara sevgi aşılanmalıdır.
Zərintac MayisqızıMissiya.Az
