Belçika millisinin yeni baş məşqçisi müəyyənləşib.
Fanat.Az xəbər verir ki, bu barədə tanınmış insayder Fabritsio Romano özünün "X" sosial şəbəkə hesabı üzərindən məlumat yayıb.
Mənbənin məlumatına görə, ötən həftə Domeniko Tedeskonu istefaya göndərən Belçika Kral Futbol Assosiasiyası vakant posta Rudi Qarsiyanı təyin edib. Fransalı çalışdırıcı ilə bütün detalların razılaşdırıldığı, onun təyinatının tezliklə rəsmən açıqlanacağı bildirilib.
Qeyd edək ki, Rudi Qarsiyanın son iş yeri 2023-cü ilin noyabrında ayrıldığı İtaliyanın “Napoli” komandası olub. O, daha əvvəl "Lill", "Roma", "Olimpik Marsel", "Olimpik Lion", və "Əl-Nəsr"də çalışıb.
Mirağa
