"Roma" heyətinə yeni futbolçu qatıb.
QOL.az xəbər verir ki, bu barədə klubun mətbuat xidməti məlumat yayıb.
Paytaxt təmsilçisi "Ayaks"dan 22 yaşlı sağ cinah müdafiəçisi Devine Renşi transfer edib.
Niderlandlı futbolçu A seriyası klubunda 2 nömrəli formanı geyinəcək. "Roma" bu keçid üçün "Ayaks"a 5 milyon avro ödəyib.
Qeyd edək ki, Renş 2016-cı ildən "Ayaks"da oynayırdı. Futbolçu bu komanda ilə bütün turnirlərdə 156 matç keçirib, 10 qol vurub və 12 məhsuldar ötürmə verib.
