Bu il 97-ci dəfə təqdim olunacaq mükafatların təqdimat mərasimi Los-Ancelesdə baş verən və böyük dağıntılara səbəb olan yanğınlar səbəbindən təxirə salınıb.
"Operativ Media" xəbər verir ki, mükafatlar 2 martda amerikalı komediya ustası Konan O'Brayanın aparıcılıq edəcəyi mərasimdə sahibini tapacaq.
Bu il "Oskar" namizədləri arasında musiqili və fantastik film olan "Wicked", musiqili və komediya filmi "Emilia Perez" və 2024-cü ildə çıxan epik dövr dramı "The Brutalist" diqqət çəkir.
13 namizədliklə "Emilia Perez" ən çox namizədlik alan film olub, "The Brutalist" və "Wicked" isə hər biri 10 namizədliklə yarışacaq.
"Ən Yaxşı Film" kateqoriyasında bu il "Anora", "The Brutalist", "A Complete Unknown", "Conclave", "Dune: Part 2", "Emilia Perez", "I'm Still Here", "Nickel Boys", "The Substance" və "Wicked" yarışır.
"Ən Yaxşı Rejissor" kateqoriyasında "Anora" filmi ilə Şon Beyker, "The Brutalist" filmi ilə Breydi Korbet, "A Complete Unknown" filmi ilə Ceyms Manqold, "Emilia Perez" filmi ilə Jak Audiard və "The Substance" filmi ilə Korali Farjeat yer alır.
"Ən Yaxşı Qadın Aktrisa" kateqoriyasında Sintiya Erivo, Karla Sofia Qaskon, Mayki Medison, Demi Mur və Fernanda Torres, "Ən Yaxşı Kişi Aktyor" kateqoriyasında isə Adrian Brodi, Timoti Şalamet, Sebastian Stan, Ralf Fayns və Kolman Domingo namizəddir.
"The Brutalist", "Dune: Part 2", "Emilia Perez", "Maria" və "Nosferatu" filmləri "Ən Yaxşı Operator İşi" kateqoriyasında yarışacaq.
"Ən Yaxşı Montaj" kateqoriyasında "Anora", "The Brutalist", "Conclave", "Emilia Perez" və "Wicked" filmləri, "Ən Yaxşı Səs Montajı" kateqoriyasında "A Complete Unknown", "Dune: Part 2", "Emilia Perez", "Wicked" və "The Wild Robot" filmləri, "Ən Yaxşı Vizual Effektlər" kateqoriyasında isə "Alien: Romulus", "Better Man", "Dune: Part 2", "Kingdom of the Planet of the Apes" və "Wicked" yer alır.
"Ən Yaxşı Animasiya" kateqoriyasında bu il "Flow", "Inside Out 2", "Memoir of a Snail" və "Wallace & Gromit: Vengeance Most Fowl" filmləri yarışacaq.
"Ən Yaxşı Xarici Dildə Film" kateqoriyasına bu il Braziliyadan "I'm Still Here", Danimarkadan "The Girl With the Needle", Fransadan "Emilia Perez", Almaniyadan "The Seed of the Sacred Fig" və Latviyadan "Flow" adlı filmlər namizəd seçilib.
"Ən Yaxşı Sənədli Film" kateqoriyasında "Black Box Diaries", "No Other Land", "Porcelain War", "Soundtrack to a Coup d'Etat" və "Sugarcane" filmləri yer alır.
"Ən Yaxşı Orijinal Ssenari" kateqoriyasında "Anora", "The Brutalist", "A Real Pain", "September 5" və "The Substance", "Ən Yaxşı Orijinal Musiqi" kateqoriyasında isə "The Brutalist", "Conclave", "Emilia Perez", "Wicked" və "The Wild Robot" filmləri namizəd göstərilib.
