Gürcüstanın keçmiş prezidenti Salome Zurabişvili Fransa lideri Emmanuel Makronla görüşüb.
Senzor.az Gürcüstan mediasına istinadən bildirir ki, danışıqların təfərrüatları barədə məlumat verilmir.
Qeyd edək ki, Zurabişvili Parisə ABŞ-dan gedib. Sabiq prezident orada Donald Trampın inaqurasiyası ilə bağlı tədbirlərdə iştirak edib.
Bu arada Gürcüstanın paytaxtında ölkənin Avropa seçimini müdafiə edən güclü etiraz aksiyaları davam edir. Yanvarın 24-ü axşam saatlarından Gürcüstan kinematoqrafiya və teatr işçiləri Tbilisidə etiraz aksiyası keçirirlər.
Bu aksiya ilə yanaşı, Gürcüstan Ədliyyə Nazirliyinin keçmiş və indiki əməkdaşlarının və ədliyyə sisteminə daxil olan qurumların həmrəylik yürüşü keçirilib. Etirazçıların bir çoxu müxalifəti dəstəklədiklərinə görə işdən qovulub.
Bir müddət əvvəl media nümayəndələrinin parlament binasına yürüşü başlayıb.
Üç xalq yürüşü hazırda bağlı olan Rustaveli prospektində birləşib. Tbilisi sakinləri aksiyaya qoşulmaqda davam edirlər...
Senzor.az
