Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 20-ci turunun növbəti oyunları keçiriləcək.
Arena.az xəbər verir ki, ikinci oyun günündə iki qarşılaşma baş tutacaq.
Əvvəlcə “Səbail” Bayılda “Kəpəz”i sınağa çəkəcək. Autsayderlərin duelini FİFA referisi Əliyar Ağayev idarə edəcək. O, bu matçın start fitini saat 16:00-da səsləndirəcək. 12 xalla sonuncu pillədə yer almış “Səbail” bu turda da qalib gəlsə, əsas rəqibini geridə qoyacaq. Ötən tur Cavid Hüseynovla ilk Premyer Liqa qələbəsini bayram etmiş “dənizçilər”in sevinci qısa sürmüşdü. Belə ki, bir gün sonra qərb derbisində “Turan Tovuz”u məğlub etmiş “Kəpəz” yenidən “Səbail”i sonuncu pilləyə yuvarlamışdı. Bu komandaların öz aralarındakı duelin necə bitəcəyi maraqla gözlənilir. Hazırda 14 xalı olan “Kəpəz” Bayıldan qalibiyyətlə dönə bilsə, böyük üstünlük əldə edəcək. Altı xallıq bu matçdakı mümkün heç-heçə isə indiki vəziyyətin qorunmasına şərait yaradacaq.
Günün digər oyunu da turnir cədvəlində qonşu olan iki komanda – “Sabah”la “Sumqayıt” arasında baş tutacaq. Masazırda keçiriləcək oyunda meydan sahibləri daha şanslı görünür. Amma “Sabah” son iki oyununda qələbəyə həsrət qalıb. Elə “Sumqayıt” da üç oyundur qələbə qazana bilmir. Bu üzdən eyni durumda olan komandaların görüşünə maraq böyükdür.
Premyer Liqa
20-ci tur
24 yanvar
“Şamaxı” – “Zirə” 1:2
Qollar: Brahim Konate, 38 – Ruan Renato, 45+2. Salifu Suma, 49.
Hakimlər: İnqilab Məmmədov, Namiq Hüseynov, Rahil Ramazanov, Əkbər Əhmədov.
VAR: Rauf Allahverdiyev.
AVAR: Vüsal Məmmədov.
Hakim-inspektor: Munis Abdullayev.
Şamaxı şəhər stadionu, 14:00.
25 yanvar
“Səbail” – “Kəpəz”
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev.
VAR: Tural Qurbanov.
AVAR: Elşad Abdullayev.
Hakim-inspektor: Rəhim Həsənov.
“Bayıl Arena”, 16:00.
“Sabah” – “Sumqayıt”
Hakimlər: Elçin Məsiyev, Pərvin Talıbov, Rəhman İmami, Rəşad Əhmədov.
VAR: Nicat İsmayıllı.
AVAR: Asiman Əzizli.
Hakim-inspektor: Orxan Məmmədov.
“Masazır Arena”, 18:30.
26 yanvar
“Araz-Naxçıvan” – “Neftçi”
Hakimlər: Rauf Cabbarov, Zöhrab Abbasov, Teymur Teymurov, Elvin Bayramov.
VAR: İnqilab Məmmədov.
AVAR: Namiq Hüseynov.
Hakim-inspektor: İmanxan Sultani.
“Dalğa Arena”, 16:00.
“Qarabağ” – “Turan Tovuz”
Hakimlər: Cavid Cəlilov, Müslüm Əliyev, Eyyub İbrahimov, Kamranbəy Rəhimov.
VAR: Əliyar Ağayev.
AVAR: Zeynal Zeynalov.
Hakim-inspektor: Ceyhun Haşımov.
Bakı. Tofiq Bəhramov adına Respublika Stadionu, 18:30.
