Türkiyə İndoneziyanın Yava adasında yağan aramsız yağışların səbəb olduğu daşqınlar və torpaq sürüşməsi nəticəsində həyatını itirənlərlə əlaqədar bu ölkəyə başsağlığı verib. Xarici İşlər Nazirliyi İndoneziyanın Mərkəzi Yava əyalətində baş verən daşqın və torpaq sürüşməsi ilə bağlı bəyanat yayıb.
Bəyanatda belə deyilib: “Həyatını itirənlərin ailələrinə və İndoneziya xalqına başsağlığı verir, xəsarət alanlara şəfa diləyirik.”
Qeyd edək ki, İndoneziyanın Yava adasında yağan leysan yağışların səbəb olduğu daşqın və torpaq sürüşməsi nəticəsində ilkin məlumata görə, 16 nəfər həyatını itirib, 8 nəfər isə itkin düşüb.
