Fələstinli Həmas döyüşçüləri dörd israilli qadın girovu Qəzzada Beynəlxalq Qızıl Xaç Komitəsinə (BQXK) təhvil verməyə hazırlaşır.
“İki sahil” xəbər verir ki, bu barədə “Sky News Arabia” telekanalı məlumat yayıb.
Qeyd edilib ki, İzzəddin əl-Qəssam Briqadalarının (HƏMAS-ın hərbi qanadı) tərəfdarları Fələstin anklavının şimalında yerləşən Qəzza şəhərində dörd israilli girovun azad ediləcəyi meydanda toplaşıblar. Qırmızı Xaç Təşkilatı əməkdaşlarının girovları qəbul etmək üçün Qəzzaya gedə biləcəyi barədə xəbərdar edilib.
“Əl-Qahirə əl-İxbariyyə” telekanalı xəbər verir ki, BQXK komandasının maşınları dörd israilli girovu qəbul etmək üçün artıq Qəzza zolağına daxil olur. Bildirilir ki, avtomobillər anklav ərazisinə Kerem Şalom keçid məntəqəsindən daxil olur.
Məhərrəm Ağalaroğlu, “İki sahil”
