Jezkazqanda (Qazaxıstan) neft bazasında partlayış və güclü yanğın baş verib.
“İki sahil” KazTAG-a istinadla xəbər verir ki, bu barədə Qazaxıstan Fövqəladə Hallar Nazirliyinin mətbuat xidməti məlumat yayıb.
Qeyd edilib ki, hadisə nəticəsində xəsarət alanlar var: “Jezkazqan şəhərində yerləşən neft bazalarından birinin ərazisində üç xüsusi təyinatlı maşın yanıb. Yanğınsöndürmə briqadası gələnə qədər isti su təchizatı sistemində partlayış baş verib, ardınca anqar uçub”.
Məlumata görə, yanğın nəticəsində neft bazasının xəsarət alan 4 əməkdaşı xəstəxanaya yerləşdirilib.
Yanğının başvermə səbəbləri müəyyənləşdirilir.
Məhərrəm Ağalaroğlu, “İki sahil”
