“Neftçi” Azərbaycan Premyer Liqasının 20-ci turu çərçivəsində qarşılaşacağı “Araz-Naxçıvan”la matçın hazırlığını yekunlaşdırıb.
Arena.az xəbər verir ki, “ağ-qaralar” bu gün “Neftçi” Futbol Mərkəzində oyunöncəsi son məşqə çıxıblar.
Paytaxt təmsilçisinin futbolçularından Rəhman Hacıyev, Rafael Quzzo və Dembo Darbo ötən görüşdə olduğu kimi, bu matçı da zədə səbəbindən buraxacaqlar.
Qeyd edək ki, sözügedən qarşılaşma yanvarın 26-da “Dalğa Arena”da keçiriləcək. Oyuna saat 16:00-da start veriləcək.
