Bəlkə də arzuladığın həyat indi yaşadığın həyat deyildi... Hər birimiz yerinə yetirilməmiş bir arzunun, xəyalın kölgəsində yaşayırıq desək, səhv olmaz. “İndiki zehniyyətim olsaydı, hər şey başqa cür olardı” deyərkən heç özünüzə rast gəldinizmi? Bu il üçün planlaşdırdığınız hər şeyi tamamladınızmı? Həyatınızı həqiqətən mənalı edən nə olardı? Bugünkü təcrübələriniz arzularınızla paraleldirmi? Bir şey edə bilsəydiniz, bu nə olardı?
E-saglam.az xarici mediaya istinadən xəbər verir ki, xəyallarınızı gerçəkləşdirmək üçün bu tövsiyələri nəzərə alın:
Başqalarının arzularını yaşamayın: Öz arzularınıza fokuslanın və başqalarının sizin üçün müəyyən etdiyi hədəflərin arxasınca getməyin. Sizin üçün ən yaxşısını yalnız özünüz bilirsiniz.
Bəhanələrə son qoyun: Əksər hallarda özümüzü inandırmaq üçün bəhanələr uydururuq. Bunun əvəzinə, hər gün şəraitinizi yaxşılaşdırmaq üçün kiçik addımlar atın.
Dəyərlərinizə sadiq qalın: Dəyərlərinizdən güzəştə getməyin. Öz həyatınızı yaşamaq sizi daha güclü və qərarlı edəcək.
Müsbət düşünün: Mənfi düşüncələr sizi geri çəkə bilər. Şüşəni yarı dolu görməyə çalışın və enerjinizi məqsədlərinizə yönəldin.
Pulun hər şey olmadığını anlayın: Pul xoşbəxtliyin zəmanəti deyil. Zənginlik və status keçicidir, amma arzularınıza sadiq qalmaq əbədi qalır.
Mümkünsüzə inanmaqdan vaz keçməyin: İnanc, zəhmət və qətiyyətlə hər şey mümkündür. Qapılar yalnız çalışmağa davam etdikdə açılır.
Özünüzü unutmadan irəliləyin: Fiziki və zehni sağlamlıq önəmlidir. Yaxşı hiss etmirsinizsə, xəyallarınıza çatmaq çətin olacaq.
Risklərdən çəkinməyin: Rahatlıq zonasından çıxın və yeni imkanlara açıq olun. Yeniliklərdən qorxmayın.
Təxirə salmayın: Başlamaq üçün doğru anı gözləməyin. İndi başlayın və hər gün kiçik addımlar atın.
Nəticəyə deyil, prosesə fokuslanın: Həyat bir təcrübədir. Nəticəyə çatmaqdan daha çox, bu yolda öyrəndikləriniz və qazandıqlarınız dəyərlidir.
Xəyallarınızı reallaşdırmaq üçün bu prinsipləri həyatınıza tətbiq edin və hər gün bir addım irəliləyin.
Tərcümə: Könül Oruc
