"Berezutskiyə görə şanslı olduğumuzu deməliyəm"

"Sabah" mövsümün gedişində məşqçi dəyişikliyinə getməli oldu.

Uğursuz nəticələrdən sonra Krunoslav Renduliçlə yolları ayıran "tələblər" rusiyalı Vasili Berezutski ilə anlaşdı.

Gənc mütəxəssis artıq 2 aydı kollektivin başındadır.

Bu, heç də az müddət deyil.

Maraqlıdır, dövrünün yaxşı mərkəz müdafiəçilərindən hesab edilən əcnəbi çalışdırıcı məşqçi kimi hansı tərzi seçib? Futbolçulardan daha çox müdafiə olunmağı, yoxsa hücumda aktiv olmağı tələb edir?

Braziliyalı legioner İqor Noqeyra sualımıza cavab olaraq bunları deyib:

"Çox böyük təcrübəyə sahib mərkəz müdafiəçisi olub. Müdafiə zonasında həddindən artıq köməyini hiss edirik. Bu baxımdan şanslı olduğumuzu deməliyəm.

Amma onun məşqçilər heyəti var. Birgə hər iki istiqamətdə bizi hazırlaşdırır.

Kollektivi həm hücumda, həm də müdafiədə inkişaf etdirir".

XANOĞLAN

• Futbol
• Müdafiə
• Rusiyalı
• Krunoslav Renduliç
• Məşqçi Dəyişikliyi
• Uğursuz Nəticələr
• Berezutski