Daxili İşlər Nazirliyi (DİN) qətldə təqsirləndirilən, 2002-ci il təvəllüdlü L.T.-ni saxlayıb.
Aktual.ge xəbər verir ki, bu barədə DİN məlumat yayıb.
"Aparılmış istintaq nəticəsində müəyyən olunub ki, təqsirləndirilən şəxs Tbilisidə mübahisə zəminində 1998-ci il təvəllüdlü L.J.-yə küt alətlə çoxsaylı bədən xəsarətləri yetirib və onu tikilməkdə olan binanın yüksək mərtəbəsindən atıb. Daha sonra isə izləri gizlətmək məqsədilə meyiti yandıraraq hadisə yerindən qaçıb.
Qəsdən adam öldürmə faktı üzrə istintaq Cinayət Məcəlləsinin 108-ci maddəsi ilə aparılır. Bu cinayət 15 ilə qədər azadlıqdan məhrumetməni nəzərdə tutur" , - məlumatda deyilir.
