Ötən ilin son 4-5 ayında kredit faizlərində kiçik bir artım qeydə alınıb. Mərkəzi Bankın məlumatına görə, bu artım əsasən dövlət xəzinə qalığının yüksəlməsi ilə əlaqədardır. Lakin ekspertlər, bu artımın iqtisadiyyatda geniş miqyaslı təsirlərə yol açmayacağını bildirir.
İqtisadçı Rəşad Həsənov “Xəzər Xəbər”ə verdiyi müsahibəsində kredit faizlərindəki artımın, xüsusilə biznes kreditlərinin faizlərinin yüksəlməsinin, bazar və xidmət sahələrində qiymət artımına səbəb olduğunu vurğulayıb. Çünki bu artım istehsal olunan məhsulların maya dəyərini artırır.
Eyni zamanda, Həsənov, bankların faiz artımını yalnız qısa müddətli planlarla əlaqələndirdiyini və uzunmüddətli dövrdə faizlərin azalma istiqamətində olacağına inandığını qeyd edib.
Yanvar ayından etibarən kredit faizlərinin azalması müşahidə olunur və bu, yaxın aylarda bazar və xidmət sahələrində də özünü göstərəcək. Ekspertlər, orta dövrdə bu azalmaların iqtisadiyyatda müsbət təsirlər yaradacağını gözləyirlər.
