Xəbər verdiyimiz kimi, Respublika Fənn Olimpiadalarının rayon (şəhər) mərhələsinin nəticələri açıqlanıb.
Bəs görəsən, RFO-nun rayon (şəhər) mərhələsinin nəticələrinə əsasən neçə şagird növbəti tura keçib? Ötənillə müqayisədə bu il ikinci tura keçənlərin sayında dəyişiklik necədir?
AzEdu.az Təhsil Portalı olaraq Azərbaycan Respublikasının Təhsil İnstitutuna (ARTİ) mövzu ilə bağlı sorğu ünvanladıq.
İnstitutdan sorğumuza cavab olaraq bildirildi ki, Respublika Fənn Olimpiadalarının Rayon/şəhər mərhələsində 2023/2024-cü tədris ili üzrə 57483, 2024/2025- ci tədris ili üzrə isə 82898 şagird iştirak edib:
“Yarım final üzrə isə 2023/2024-cü tədrsi ili üzrə 12238, 2024/2025- ci tədris ili üzrə isə 16449 şagird iştirak edib”,-deyə qeyd olunub.
