Almaniyanın Münhen şəhərində Azərbaycan təmsilçiləri Vladislav Kalmıkov və Leyli Əliyeva “2025 H&N” kubokunda medallar qazanıblar.
Offsideplus.az xəbər verir ki, pnevmatik tapançadan 10 metr məsafəyə atəş açma yarışında (start-2) 236.0 xal toplayan Kalmıkov ikinci yeri tutub. Bununla da, o, gümüş medala layiq görülüb.
Vladislav Kalmıkov bundan əvvəl bürünc medal da qazanmışdı.
Digər medal isə, Leyli Əliyevadan gəlib. Eyni yarış növündə iştirak edən Leyli Əliyeva 213.9 xalla üçüncü olub və bürünc mükafat əldə edib.
