Olaylar.az xəbər verir ki, bu barədə CBS telekanalı müvafiq xidmətin məlumatlarına istinadən xəbər yayıb.
Məlumata görə, reydlər "gücləndirilmiş hədəf əməliyyatları" çərçivəsində Dallas, Fort-Uert və İrving şəhərlərində keçirilib. Əməliyyatlarda Hyuston şəhərinin Narkotiklərə Nəzarət Administrasiyası da iştirak edib.
"ABŞ Gömrük və İmmiqrasiya Xidməti bazar günü Şimali Texasda 84 nəfəri saxladı", - deyə telekanal məlumat verib.
New York Post-un məlumatına görə, Kolorado ştatının Denver şəhərində keçirilən reyd zamanı Venesuelanın "Tren de Aragua" cinayətkar təşkilatının təxminən 50 üzvü saxlanılıb.
Xatırladaq ki, ABŞ-nin keçmiş prezidenti Donald Tramp miqrantların kütləvi deportasiyasını prioritet məsələlərdən biri kimi göstərmiş və bunun "məcburi addım" olduğunu bəyan etmişdi.
Bu arada Kolumbiya prezidenti Qustavo Petro ABŞ-dən deportasiya olunan şəxsləri daşıyan təyyarənin ölkəsinə girişinə qadağa qoyub. O, ABŞ-nin miqrantlara qarşı qeyri-insani rəftar etdiyini bildirib.
Buna cavab olaraq, Tramp Kolumbiyaya qarşı sanksiyalar tətbiq edib və idxala 25%-lik gömrük rüsumları əlavə edib. Petro isə buna cavab olaraq ABŞ məhsullarına idxal rüsumunu 25% artırıb.
