Avropa İttifaqı Şurası Aİ-Gürcüstan arasında viza rejiminin sadələşdirilməsi sazişinin bəzi bəndlərinin dayandırılması barədə qərar qəbul edib.
Teleqraf.com-un yerli bürosu xəbər verir ki, bu barədə Şuranın yaydığı məlumatda bildirilib.
Qərara əsasən, vizasız gediş-gəliş rejimi aşağıdakı kateqoriyalara şamil ediləcək:
Hökumətlərarası təşkilatlar tərəfindən Aİ ölkəsinin ərazisində keçirilən rəsmi görüşlərdə və digər tədbirlərdə iştirak edən Gürcüstanın rəsmi nümayəndə heyətlərinin üzvləri; Gürcüstanın milli və regional hökumətlərinin və parlamentin üzvləri; Gürcüstanın Konstitusiya Məhkəməsi və Ali Məhkəməsinin üzvləri; diplomatik pasport sahibləri.
Qeyd olunub ki, adi pasporta malik Gürcüstan vətəndaşları Aİ-yə qısamüddətli səfərlər zamanı vizasız rejimdən yararlanmağa davam edəcəklər.
