Yunan mediası Türkiyə Hərbi Dəniz Qüvvələrini yaxından izləyir. Milli irəliləyişlərdən sarsılan Yunanıstan Türkiyə donanmasının gücündən qorxur.
Publika.az xəbər verir ki, Yunanıstanın "Pentapostagma" qəzeti "Türkiyə Dəniz Qüvvələri böyüyərək Egeydəki suverenliyimizi təhdid edir" başlıqlı xəbərlə diqqət çəkib.
Xəbərdə Türkiyənin dənizlərin hökmdarı olma, Egey, Aralıq və Qara dənizlərdə güclü donanma yaratma yolunda olduğu bildirilib.
“Pentapostagma” Danimarka mərkəzli Beynəlxalq Medianın xəbərinə istinadən Türkiyə Hərbi Dəniz Qüvvələri üçün 209 yeni gəminin inşa edildiyini qeyd edib.
