Türkiyənin Antalya vilayətinin Alanya şəhərində bu gün axşam saatlarında çoxmərtəbəli binada yanğın baş verib: həmin an yaşayış binasının yuxarı mərtəbələrində təmir işləri aparan dörd fəhlə olub.
Editor.az bildirir ki, bu barədə “A Haber” telekanalı xəbər verib. “Alanyada çoxmərtəbəli binada baş verən yanğın sakinlər arasında təşviş yaradıb. Yanğınsöndürənlər işçilərin təmir apardığı binaya göndərilib”, – telekanal bildirib.
Yanğının baş verdiyi ərazidən çıxan qara tüstü şəhərin səmasını tutub. Yanğınsöndürənlər işçilərin təmir apardığı binaya göndərilib və 4 işçidən üçünü alovdan xilas edə biliblər. Alanya meri yanğının demək olar ki, nəzarət altına alındığını əmin edib. Dördüncü işçinin başına gələnlər barədə məlumat verilmir.
//Samir Qurbanov, Editor.az
