Avropa İttifaqı (Aİ) Komissiyasının sədri Ursula von der Leyen AB Ədalət Məhkəməsi qarşısında keçirilən andiçmə mərasimində birliyin son beş ildə təməl prinsipləri üzərində sınaqdan keçirildiyini ifadə edərək, gələcək beş ilin son beş il kimi çətin olacağını deyib.Von der Leyen 26 komissar yoldaşı ilə birlikdə Lüksemburqda birliyin ən yüksək məhkəməsi olan Aİ Ədalət Məhkəməsində and içib.6-9 iyun 2024-cü il tarixlərində keçirilən seçkilərdən sonra 1 dekabr 2024-cü ildə yaradılan və 5 il vəzifəsində qalacaq Komissiyanın sədri və üzvləri öz fəaliyyətlərində Aİ qanunlarına riayət edəcəklərinə söz veriblər.Von der Leyen and içdikdən sonra çıxışında "Son beş ildə nizamnaməmiz və müqavilələrimiz heç vaxt olmadığı qədər sınaqdan keçirilib. Növbəti beş il də son beş il kimi çətin olacaq" deyib:"Prinsiplərimizin toxunulmazlığını cəmiyyətlərimizə qorxu və təfriqə toxumu səpənlər, eləcə də beynəlxalq nizamımızın parçalanması ilə sınaqdan keçirəcəklər. Fərdlərin hüquq və azadlıqları heç vaxt adi sayıla bilməz. Ona görə də biz, bu Məhkəmə və bu Komissiya qanunun aliliyinin, demokratiyanın və sosial tərəqqinin keşikçiləriyik. Bu gün biz birliyimizi qorumaq üçün əlimizdən gələni etməyə söz verdik" deyə Von der Leyen vurğulayıb.
