Ukraynanın Donetsk vilayətinin Çasiv Yar və Toretsk şəhərlərinin ərazilərində Rusiya qoşunları ilə şiddətli döyüşlər gedir.
Teleqraf.com xəbər verir ki, bu barədə Ukrayna ordusunun “Xortitsa” qoşun qrupu məlumat yayıb.
Ruslar artilleriyanın dəstəyi ilə Kramatorsk və Toretsk istiqamətlərində mövqelərə hücumu davam etdirirlər. Çasiv Yar və Toretsk ərazisində şiddətli döyüşlər gedir.
Cəbhə xəttində ən qaynar nöqtə vilayətin Pokrovsk istiqamətidir.
Şerbinivka, Xarkov, Kupyan, Liman və digər istiqamətlərdə Rusiya ordusunun hücumlarının dəf edildiyi bildirilib. “Xortitsa” rusların bütün istiqamətlərdə ağır itkilər verdiklərini də açıqlayıb.
Müəllif: Mənsur Rəğbətoğlu
