Balistik, hipersəs və qanadlı raketlər ABŞ üçün ciddi təhlükədir.
KONKRET.az TASS-a istinadən xəbər verir ki, bu barədə Donald Trampın “Dəmir günbəz” milli raketdən müdafiə sisteminin inkişafı haqqında fərmanında deyilir: “Ballistik, hipersəs, qanadlı raketlər və digər qabaqcıl hava-desant silahlarından hücum ehtimalı ABŞ-nin üzləşdiyi ən fəlakətli təhlükə olaraq qalır”.
Tramp ABŞ-nin müdafiə naziri Pit Heqsetə 60 gün ərzində yeni nəsil raketdən müdafiə sistemi planını təqdim etməyi tapşırıb. Yanvarın 27-də ABŞ Müdafiə Nazirliyinin rəhbəri bildirib ki, yeni administrasiya İsrailinkinə bənzər raketdən müdafiə sisteminin yaradılmasına dair fərmanlar hazırlayır. Trampın sözlərinə görə, bu sistem üçün lazım olan hər şey ABŞ-də istehsal olunacaq.
Vəli Həsənoğlu,
KONKRET.az
