Səudiyyə Ərəbistanı liqasının nümayəndələri “Real”in hücumçusu Vinisiusun transferində maraqlıdırlar.
İdmanxeber.az-ın məlumatına görə, liqa rəhbərliyi 24 yaşlı braziliyalının mümkün transferi üzərində işləyir. Madrid klubunun futbolçusuna 5 illik müqavilə təklif ediləcək. Braziliyalı təklifi qəbul edərsə, bu sözləşmədən 1 milyard avro qazanacaq.
Bu mövsüm Vinisius 26 oyun keçirib, 16 qol vurub və 10 məhsuldar ötürmə edib. Onun “Real” ilə müqaviləsi 2027-ci ilin yayına qədərdir. “Transfermarkt” portalı oyunçunun dəyərini 200 milyon avro olaraq qiymətləndirir.
