Hindistanın Uttar Pradeş ştatında dini bayram zamanı müvəqqəti səhnə uçub, nəticədə 6 nəfər ölüb, 50-dən çox adam yaralanıb.
News24.az xəbər verir ki, bu barədə NDTV yerli polisə istinadən məlumat yayıb.
Faciə bambukdan hazırlanmış səhnənin quraşdırıldığı məbədlərdən birinin yaxınlığında baş verib. Yüzlərlə dindar eyni anda platformaya çıxıb, nəticədə struktur buna tab gətirə bilməyib və dağılıb.
Hadisə yerində çaxnaşma yaranıb, zərərçəkənlər arasında polis əməkdaşları da var.
Məryəm İlhamqızı
