Avropa Liqasının Liqa mərhələsinin “Olimpiakos"la oyununda “Qarabağ” azarkeşləri üçün ayrılan vauçerlər satışa çıxarılacaq.
İdman.biz xəbər verir ki, Yunanıstanda keçiriləcək matçı stadionda izləmək və Azərbaycan çempionunu dəstəkləmək istəyən fanatlar vauçerlər bu gündən etibarən iTicket.az-da onlayn satışda olacaq.
Azarkeşlər əldə etdikləri vauçerləri oyun günü saat 19:00-dan 21:00-a kimi Pireydəki Georgios Karaiskakis stadionunun 27-ci sektorunun qarşısında biletə dəyişməlidir. Biletlərin qiyməti 50 manatdır.
Vauçerlər yalnız iTicket.az-da satışda olacaq. Stadionda vauçerlərin və biletlərin satışı olmayacaq.
Qeyd edək ki, “Olimpiakos" - “Qarabağ” oyunu yanvarın 30-da Baı vaxtı ilə saat 00:00-da start götürəcək.
İdman.biz
