İngiltərənin şimalındakı Şimali Yorkşir qraflığında 460 ildir fəaliyyət göstərən qədim "Windmill Inn" pabı bağlanıb. Manset.az xəbər verir ki, bu barədə "The Drinks Business" sənaye nəşri məlumat yayıb. Onun sözlərinə görə, pab və mehmanxana hələ 1564-cü ildə Kraliça I Yelizavetanın dövründə Linton kəndində açılmışdı. Son illərdə müəssisə Hollandiyanın Heineken pivə konserninin Britaniya bölməsinə məxsus olub və onu icarəyə verib. Pabın kirayəçiləri müqavilələrini yeniləmədilər, çünki müəssisə bu yaxınlarda "ağır günlər keçirib". 2015-ci ildə daşqınlar və insanların paba getdiyi körpünün müvəqqəti bağlanması fonunda "Windmill Inn"-in dövriyyəsi 35% azalıb. Ola bilsin ki, yeni kirayəçilər tapılarsa, meyxana tezliklə yenidən açıla bilər.
