Ağ Ev ABŞ-nin birinci xanımı Melaniya Trampın rəsmi portretini təqdim edib.
Teleqraf.com xəbər verir ki, foto Ağ Evin saytının əsas səhifəsində yerləşdirilib.
Şəkil birinci xanımın rəsmi sosial media hesablarında da yayımlanıb.
ABC-nin məlumatına görə, dərc olunan ağ-qara fotonu Ağ Evdə fotoqraf Rejin Maxo çəkib. Birinci xanımın ofisi fotonun yanvarın 21-də çəkildiyini açıqlayıb.
Ağ-qara fotoda Melaniya Tramp tünd işgüzar kostyumda və ağ köynəkdə, əllərini Oval Ofisdə masaya qoyarkən təsvir olunub. Arxa planda “Vaşinqton” abidəsi görünür.
Qeyd edilir ki, belçikalı fotoqraf Rejine Maxo 20 ildən artıqdır Tramp ailəsinin fotolarını çəkir. Maxo 2017-ci ildə Donald Trampın ABŞ prezidenti kimi ilk dövründə də Melaniya Trampın rəsmi portretini çəkmişdi.
