Yasamal rayonunda çoxmərtəbəli yaşayış binası yanır.
Bu barədə "Ajans"a Fövqəladə Hallar Nazirliyindən məlumat verilib.
Bildirilib ki, Nazirliyin "112" qaynar telefon xəttinə Bakı şəhəri, Yasamal rayonu, Əsəd Əhmədov küçəsində yerləşən çoxmərtəbəli yaşayış binasında yanğın olması barədə ilkin məlumat daxil olub.
Məlumatla əlaqədar Nazirliyin müvafiq xilasetmə qüvvələri çağırış üzrə cəlb olunublar.
Hazırda yanğınsöndürmə işləri həyata keçirilir.
***
Yasamal rayonu ərazisində yanğın başlayıb.
manset.az-ın əldə etdiyi məlumata görə, Məhəmməd Xiyabanı küçəsində hündürmərtəbəli yaşayış binalarının birində yanğın davam edir.
Binaya elektrik enerjisi və qazın verilməsi dayandırılıb.
Bir neçə insanın balkonlarda köməksiz qaldığı deyilir.
Əraziyə yanğınsöndürmə və təcili tibbi yardım briqadası cəlb olunub.
