Bu gün Azərbaycanda bələdiyyə seçkiləri keçirilir.
"Far.Az" xəbər verir ki, səhər saat 08:00-dan etibarən müvafiq dairələr üzrə məntəqələrin qapıları seçicilər üçün açılıb.
Səhər saatlarından seçki məntəqələrində seçicilərin fəallığı hiss olunur.
Seçki prosesininin şəffaflığını yerli müşahidəçilər izləyir.
Qeyd edək ki, səsvermə saat 19:00-a qədər davam edəcək.
Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.
Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.
Foto: Samirə Həsənova, Vüqar Xanlarov, Ehtiram Cəbiyev
