Yevlax rayonu və Mingəçevir şəhərində də seçici fəallığı müşahidə olunur
"Report"un Qərb bürosunun məlumatına görə, 52 saylı Yevlax, 53 saylı Yevlax-Mingəçevir və 54 saylı Mingəçevir seçki dairələrində fəaliyyət göstərən ümumilikdə 147 məntəqədə səsvermə seçici fəallığı şəraitində davam edir.
Səsvermənin başladığı saatdan etibarən, seçicilərin sərbəst səs vermələri üçün məntəqələrdə lazımı şərait yaradılıb.
Məlumata əsasən, 52 saylı Yevlax seçki dairəsində 72, 53 saylı Yevlax-Mingəçevir və Mingəçevir seçki dairələrində isə ayrı-ayrılıqda 184 namizəd qeydə alınıb.
Qeyd edək ki, səsvermə saat 19:00-a qədər davam edəcək.
Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.
Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.
