"iPhone" üçün vatsapın hazırkı beta versiyası artıq iOS-un köhnə versiyaları ilə işləyən "Apple" smartfonları tərəfindən dəstəklənmir.
Bu barədə "WABetaInfo" portalı məlumat yayıb .
"TestFlight"da 25.2.10.72 nömrəli iOS üçün vatsapın beta versiyasında tətbiq iOS 15.1 və daha yüksək versiyanı tələb edir. Həmçinin qeyd edilir ki, köhnəlmiş əməliyyat sistemi ilə işləyən smartfonlar 2025-ci il mayın 5-dən etibarən messencer tərtibatçıları tərəfindən dəstəklənməyəcək.
Belə ki, messencerin və WhatsApp Business-in standart versiyasının istifadəçiləri proqramdan istifadə edə bilməyəcəklər: dəstəyin bitməsi ilə əlaqədar onlar mesaj göndərə və qəbul edə, həmçinin zəng edə bilməyəcəklər.
Siz iOS versiyasını smartfonunuzun "Parametrlər" - "Ümumi" - "Bu cihaz haqqında" bölməsində yoxlaya bilərsiniz. Əgər “iOS versiyası” sətri 15.1 və daha yüksək versiyanı göstərirsə, messencer yenilənəcək və problemsiz işləyəcək. Əks halda, WhatsApp-dan istifadəni dayandırmalı, mümkünsə iOS-u yeniləməli və ya daha müasir iPhone almağı düşünməli olacaqsınız.
5 may 2025-ci il tarixindən qüvvəyə minən məhdudiyyət iOS 14 və daha aşağı versiyalarla işləyən iPhone 6, iPhone 6 Plus, iPhone 5s və əvvəlki modellərin istifadəçilərinə şamil edilir.//sfera.az
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
