Səsvermə prosesində seçici fəallığı müşahidə olunur, qanun pozuntusu qeydə alınmayıb.
Bunu "Report"un Qərb bürosuna açıqlamasında 53 saylı Yevlax-Mingəçevir seçki dairəsinin 42 saylı məntəqəsinin sədri Ramilə Mahmudova deyib.
Onun sözlərinə görə, prosesdə hər hansı qanun pozuntusuna yol verilməyib:
“Məntəqəmiz saat 08:00-dan seçicilər üçün açıq elan edilib və ilk saatlardan səsvermədə aktivlik müşahidə olunur. Hər bir seçici öz iradəsinə uyğun qaydada səs verir. Bu dəqiqəyə qədər heç bir qanun pozuntusuna yol verilməyib. Səsvermə öz axarı ilə davam edir”.
Yevlax-Mingəçevir seçki dairəsində 57 məntəqə fəaliyyət göstərir.
Qeyd edək ki, səsvermə saat 19:00-a qədər davam edəcək.
Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.
Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.
