Qrenlandiyalıların 85 faizi adalarının ABŞ-nin bir hissəsi olmasını istəmir.
News24.az xəbər verir ki, adada keçirilən ictimai rəy sorğusunun nəticələri bəlli olub.
Bir müddət əvvəl ABŞ prezidenti Donald Tramp bildirib ki, Qrenlandiya ABŞ-nin tərkibinə daxil olmalıdır. O, bunun milli təhlükəsizlik və “Çin və Rusiyaya qarşı müdafiə” üçün strateji əhəmiyyətini vurğulayıb. Amerika liderinin sözlərinə görə, Qrenlandiyanın demək olar ki, bütün sakinləri ABŞ-ın bir hissəsi olmaq istəyir.
Danimarkanın “Berlingske” qəzetinin sifarişi ilə Verian sorğu agentliyinin sorğusu göstərib ki, Qrenlandiyalıların yalnız 6%-i ABŞ-a qoşulmağı dəstəkləyir, 9%-i isə hələ qərar verməyib.
Qrenlandiya Danimarka Krallığının muxtar ərazisidir, krallığın tərkibindəki iki muxtar ərazinin ən böyüyüdür, digəri Farer adalarıdır.
Aynurə
