İsrailin Livanın cənubunda üç gündür davam etdirdiyi hücumlar nəticəsində ölənlərin sayı 25-ə çatıb, daha 160 nəfər yaralanıb.
Bakıvaxtı.az "Sinxua"ya istinadən xəbər verir ki, bu barədə Livanın Səhiyyə Nazirliyi məlumat yayıb.
Məlumata görə, üç gündür yüzlərlə Livan sakini sərhəd kəndlərinin kənarında toplaşıb, oradan avtomobillərlə və piyada şəklində evlərinə yollanıb. Lakin İsrail əsgərlərinin geri qayıdan mülki şəxslərə atəş açması sərhəddə gərginliyi daha da artırıb.
Bu hücumlar Hizbullah ilə İsrail ordusu arasında 27 noyabr 2024-cü ildə qüvvəyə minmiş hazırkı atəşkəs razılaşmasından sonra baş verib.
Gülşən Şərif
