AZ
Mövzular
Mədəniyyət
29.01.2025 ◦ 14:17

"Türkiyədə olan bələdiyyə sistemini Azərbaycanda yaratmağa ehtiyac var" — AÇIQLAMA

"Bu gün Azərbaycanda bələdiyyə seçkiləri keçirilir. Bələdiyyələr 1999-cu ildən təsis edilən insitutdur. Təxminən 25 ilə yaxın vaxt keçməsinə baxmayaraq hələ də bu insitutu lazımi və yüksək səviyyədə formalaşdıra bilməmişik".

Bu sözləri Demokrat.az-a açıqlamasında Milli Məclisin sabiq deputatı Vahid Əhmədov deyib.

Onun sözlərinə görə, bələdiyyə seçkiləri ilə əlaqədar Milli Məclisdə kifayət qədər qanunlar qəbul edilib, bələdiyyələr haqqında qanunlara dəyişiklik edilib:

"Ancaq bu gün onların fəaliyyətinə diqqət yetirdikdə görürük ki, ciddi fəaliyyətləri yoxdur. Faktiki olaraq icra hakimiyyəti orqanlarından asılı vəziyyətdədirlər. Ona görə bələdiyyələrdə müəyyən problemlər var. Ən əsas problem maliyyə problemidir. Doğrudur, son zamanlar bələdiyyələr tərəfindən müəyyən vergilərin həyata keçirilməsi və onların hesabına ötürülməsi, dövlət tərəfindən az da olsa vəsaitin ayrılması onların işinə müsbət yandan öz təsirini göstərib. Hesab edirəm ki, bələdiyyə insitutu çox vacib insitutdur".

Sabiq deputat bildirib ki, Türkiyədə olan bələdiyyə sistemini Azərbaycanda yaratmağa ehtiyac var:

"Buna da müəyyən vaxt lazımdır. Mətbuatda dəyişikliklər haqqında müzakirələr gedir. İcra hakimiyyəti orqanlarının ləğvi, Prezidentin təyin etdiyi nümayəndəliyin öz əksini tapması, bələdiyyələrin maliyyə gücünün möhkəmləndirilməsi vacibdir. Bələdiyyələr vacib dövlət orqanlarıdır. Seçkilər zamanı da çalışmaq lazımdır ki, ciddi nəzarət həyata keçirilsin. Son zamanlar bələdiyyələrin birləşdirilməsi səbəbindən onların sayı xeyli azaldılıb. Hesab edirəm ki, bu seçkilərdə yeni bələdiyyələr seçiləcək".


Əfsanə Kamal
Demokrat.az
Seçilən
44
50
demokrat.az

10Mənbələr