"Qarabağ" Avropa Liqasının Liqa mərhələsinin son - 8-ci turunun "Olimpiakos"la matçı üçün Yunanıstana yola düşüb.
Ağdam təmsilçisi Pireyə çarter reysi ilə yollanıb.
"Qarabağ"ın baş məşqçisi Qurban Qurbanovun bu gün yerli vaxtla saat 19:40-da mətbuat konfransı təşkil olunacaq. Saat 20:00-da isə komanda açıq məşqə çıxacaq.
Qeyd edək ki, yanvarın 30-da keçiriləcək "Olimpiakos" - "Qarabağ" matçı Bakı vaxtı ilə saat 00:00-da start götürəcək.
