“Qələbəni azarkeşlərimizə həsr edirik".
İdman.biz xəbər verir ki, bunu "Gəncə" basketbol klubunun baş məşqçisi Halil Atlı Azərbaycan kubokunun 1/8 final mərhələsinin "Ordu" ilə oyunundan sonra deyib.
Türkiyəli mütəxəssis bildirib ki, qalib gəldikləri matçda ilk dəqiqələrdən azarkeş dəstəyini hiss edib: “Biz də onlar üçün oynayırıq. Kubokda yolumuza davam etməyə layiqik. Ən yaxşı nəticəyə imza atmağa çalışacağıq. Komandaya inanıram. Baskebolçulara təşəkkür edirəm. Rotasiya edib oynadıq. Qarşıda "Ordu" ilə daha bir oyunumuz var. Bu dəfə çempionatda üz-üzə gələcəyik. Həmin görüşə hazırıq, qələbə qazanıb yolumuza davam etmək istəyirik".
Qeyd edək ki, Gəncə İdman Sarayında baş tutan "Gəncə" - "Ordu" qarşılaşması ev sahiblərinin 81:62 hesablı qələbəsi ilə bitib.
İdman.biz
