Keçən il ABŞ-da mübahisələrə səbəb olan "sirli" pilotsuz təyyarələrin bir çoxunun Federal Aviasiya Administrasiyasının (FAA) səlahiyyətləri altında uçduğu məlum olub.Ağ Evin sözçüsü Karolin Livit 2024-cü ilin son aylarında şimal-şərq əyalətlərində, xüsusilə Nyu Cersi və Nyu Yorkda görülən "sirli" pilotsuz təyyarələrlə bağlı məlumat verib.Livit FAA-nın Nyu Cersidə görülən dronlara uçuş məqsədi ilə icazə verdiyini söyləyib və məsələnin maraqdan böyüdüyünü qeyd edib.Digər ölkələrin pilotsuz təyyarələr uçması ehtimalı ilə bağlı Livit “Bu bir düşmən deyildi" deyib.
