“Əl-İttifaq”ın baş məşqçisi Stiven Cerrard yaxın günlərdə işsiz mütəxəssislər siyahısına qoşulmaq riski ilə üzləşib.
Fanat.Az xəbər verir ki, bu barədə italiyalı jurnalist Canluici Lonqari məlumat yayıb.
Mənbənin məlumatına görə, Səudiyyə klubu 44 yaşlı ingilisi istefaya göndərmək variantını nəzərdən keçirir. Onun yerini “Əl-İttifaq”ın və Səudiyyə Ərəbistanının gənclərdən ibarət yığmasının keçmiş məşqçisi Saad Əl-Şehri tuta bilər. O, 2017-ci ilin dekabrından 2018-ci ilin aprelinə kimi kluba rəhbərlik edib. Bu təyinata qədər Əl-Şehri komandanın gənclərdən ibarət məşqçisi vəzifəsində çalışıb.
Cerrard 2023-cü ilin iyulunda “Əl-İttifaq”a keçib. Onun rəhbərliyi altında komanda 55 oyun keçirib, onlardan 19-da qələbə qazanıb, 16 dəfə heç-heçə edib, 20 dəfə isə məğlub olub.
“Əl-İttifaq” hazırda çempionatın 17 turunda 19 xal toplayaraq Səudiyyə Peşəkar Liqasında 12-ci pillədə qərarlaşıb.
Mirağa
