Amerikalı milyarder İlon Mask insanların söz azadlığına verdiyi dəstək və sülhə olan töhfələrinə görə Nobel sülh mükafatına namizəd göstərilib.
NTV-yə istinadən xəbər verilir ki, bu təklifi Sloveniyadan Avropa Parlamentinin deputatı Branko Qrims verib.
Qrims "X" sosial şəbəkəsində paylaşdığı bir yazıda təklifinin Norveç Nobel İnstitutundan qəbul edildiyini bildirib. O, həmçinin Maskın namizədliyini irəli sürənlərə təşəkkür edib.
Xatırladaq ki, Mask 2024-cü ildə də Nobel sülh mükafatına namizəd olub. Həmin dövrdə bu təklifi norveçli deputat Marius Nilsen irəli sürmüşdü.
Mənbə: oxu.az
