Yerə gətirilən Bennu asteroidindən götürülən nümunələrdə həyatın yaranması üçün vacib hesab edilən minerallar və üzvi maddələr aşkarlanıb.
Bu barədə NASA-nın yaydığı məlumatda bildirilib.
Alimlərin sözlərinə görə, nümunələrdə karbohidrogenlər, amin turşuları və sulu fosfatlar qeydə alınıb. Eyni zamanda DNT və RNT-nin əsas komponentləri olan 20 növ üzvi molekul müəyyən edilib.
Tədqiqatın nəticələri bir ildən çox müddət ərzində aparılan araşdırmaların nəticəsi kimi açıqlanıb. NASA bu tapıntının kainatdakı həyat ehtimallarını daha dərindən anlamağa imkan verəcəyini vurğulayıb.
//Musavat.com
