Bakı, 30 yanvar, AZƏRTAC
Hökumət Hindistanın şimalındakı Uttar Pradeş ştatında hindu festivalı zamanı baş verən izdiham nəticəsində azı 30 nəfərin öldüyünü, 60 nəfərin yaralandığını təsdiqləyib.
AZƏRTAC Sinxua agentliyinə istinadla xəbər verir ki, ölənlərdən 25-nin şəxsiyyəti müəyyən edilib.
Polis rəsmisi bildirib ki, yaralananların 36-sı yerli xəstəxanada müalicə olunur.
Qeyd edək ki, 2013-cü ildə eyni festival zamanı Prayagrajda qatar stansiyasında yaranan izdihamda 40 zəvvar həlak olmuşdu.
