Ölkəmizdə ilk dəfə olaraq 3x3 basketbol üzrə Dünya Kubokunun seçmə mərhələsinin oyunları baş tutacaq.
Offsideplus.az xəbər verir ki, seçmə mərhələnin oyunları 24 və 25 may tarixlərində Bakıda keçiriləcək. Paytaxtımızda baş tutacaq seçmə mərhələ oyunlarında həm kişi, həm də qadın 3x3 millilərimiz var. Bu görüşlərdə iştirak edəcək komandaların adları da, artıq müəyyən olunub. Bunlar Monteneqro, Kanada, Böyük Britaniya, Ruanda, İran kişi yığmaları və Çili, Latviya, Çin Taypeyi, Brazilya, Misir qadın yığmalarıdır. Komandalar əsas mərhələyə vəsiqə qazanmaq uğrunda mübarizə aparacaqlar.
Qeyd edək ki, kişi və qadın kateqoriyalarında seçmə mərhələ oyunlarının ən yaxşı 3 milli komandası Dünya Kubokunun əsas mərhələsində iştirak etmək hüququ qazanacaq.
