Venesuelanın paytaxtı Karakasın El Volkan rayonunda təyyarə qəzası baş verib.
Məlumata görə, qəzaya uğrayan təyyarənin göyərtəsində olan 3 nəfər həlak olub. Təyyarənin Venesuela Daxili İşlər və Ədliyyə Nazirliyinə məxsus olduğu bildirilib. Təyyarənin La Karlota hərbi hava bazasından Santyaqodakı Marino hava limanına getmək üçün havaya qalxdığı, lakin hələ məlum olmayan səbəbdən El Volkan bölgəsində qəzaya uğradığı vurğulanıb. Hadisə ilə bağlı araşdırma aparılır.
