Amerikalı aktrisa Şeron Stounun Kral Böyük Karl (748-814) ilə qohum olduğu məlum olub.
OLAY yazır ki, bu barədə “Daily Mail” nəşri “PBS” kanalının “Öz köklərini axtarışda” adlı şousuna istinadən xəbər verib.
Analizlər göstərib ki, Böyük Karl 66 yaşlı aktrisanın 38-ci ulu babasıdır.
“Əlbəttə ki, o, tarixdə ən vacib insanlardan biridir və demək olar ki, müasir Avropanı yaratmışdır, dəmir iradəyə malik bir şəxsiyyətdir”, – deyə aparıcı Şeron Stouna bildirib.
Aktrisa bu kəşfdən heyrətə gəlib. O, həmçinin öyrənib ki, onun ulu babası Corc Qreqs İngiltərədən Pensilvaniyaya köç edərək orada mədənçi kimi çalışıb.
Karolinqlər imperiyasının qurucusu, “Avropanın Atası” Böyük Karl, Roma imperiyasının süqutundan sonra Qərbi və Mərkəzi Avropanın böyük hissəsini birləşdirmişdi.
